being created

வெண்பூதனார்

From Tamil Wiki
Revision as of 14:23, 10 September 2024 by Ramya (talk | contribs) (Created page with "வெண்பூதனார் சங்ககாலத் தமிழ்ப் புலவர்களில் ஒருவர். இவர் பாடிய பாடல் ஒன்று சங்கத்தொகை நூலான குறுந்தொகையில் உள்ளது. == வாழ்க்கைக் குறிப்பு == வெண்பூ...")
(diff) ← Older revision | Latest revision (diff) | Newer revision → (diff)

வெண்பூதனார் சங்ககாலத் தமிழ்ப் புலவர்களில் ஒருவர். இவர் பாடிய பாடல் ஒன்று சங்கத்தொகை நூலான குறுந்தொகையில் உள்ளது.

வாழ்க்கைக் குறிப்பு

வெண்பூதனார் சங்க காலப் புலவர்களில் ஒருவர்.

இலக்கிய வாழ்க்கை

வெண்பூதனார் பாடிய பாடல் ஒன்று குறுந்தொகையில் 81-வது பாடலாக உள்ளது. தோழி கூற்றாக பாடல் உள்ளது.

பாடல் வழி அறியவரும் செய்திகள்

  • தலைவியைப் பிரிந்திருந்த தலைவன் திருமணத்திற்கான முயற்சிகளை மேற்கொண்டான் என்றும் அவன் விரைவில் தலைவியின் இல்லத்திற்கு அவளைப் பெண்கேட்க வரப்போகிறான் என்றும் செவிலித்தாய் தோழிக்குத் தெரிவித்தாள். அந்த செய்தியை செவிலித்தாயை வாழ்த்துவது போலத் தோழி தலைவிக்குத் தெரிவித்தாள்.
  • குறிஞ்சி நிலம் - தனது வீட்டில் இருந்து தனது முயற்சியால் தேடிய பொருளால் பெற்ற உணவை உண்ணுவதைப் போன்ற இனிய சுவையைத் தரும் பழங்கள், கிளைகள் தோறும், தொங்குகின்ற பலாமரங்களையுடைய, உயர்ந்த மலைகளையுடைய குறிஞ்சிநிலம்.
  • பெறுதற்கரிய அமிழ்தத்தை உணவாக உண்ணும் துறக்கவுலகம் அல்லது சொர்க்க உலகம் பற்றிய நம்பிக்கை இருந்தது.

பாடல் நடை

அரும்பெறல் அமிழ்தம் ஆர்பதம் ஆகப்
பெரும்பெயர் உலகம் பெறீஇயரோ அன்னை
தம்மில் தமதுண் டன்ன சினைதொறும்
தீம்பழந் தூங்கும் பலவின்
ஓங்குமலை நாடனை வரும்என் றாளே.

உசாத்துணை



🔏Being Created


Please do not write any content below this line. This section is only for editing templates & categories.